Azərbaycan Respublikası Mədəniyyət Nazirliyi

UŞAQ MUSİQİ VƏ İNCƏSƏNƏT MƏKTƏBLƏRİNİN TƏDRİS PORTALI

Məktəblər
Məktəblər
|

Bakı şəhəri Əfrasiyab Bədəlbəyli adına 23 nömrəli Onbirillik Musiqi Məktəbi

Azərbaycan SSR Nazirlər Sovetinin 13 may 1975 – ci il tarixli, 134 №-li sərəncamına əsasən Bakı şəhər zəhmətkeş deputatları sovetinin İcraiyyə komitəsinin 22 iyul 1975 – ci il tarixli 05/383 №-li sərəncamı ilə mədəniyyət şöbəsinə iki yeddi illik uşaq musiqi məktəbini açmaq tapşırılmışdır.Bu məktəblərdən biri 23 №-li uşaq musiqi məktəbi olub “Şmidtovest”  yaşayış tikinti komitəsinin V.İ.Lenin prospekti 954-cü kvartalda yerləşən evin I mərtəbəsində yaradılması nəzərdə tutulur. Bakı şəhər İcraiyyə Komitəsinin 01 oktyabr, 1976-cı il tarixli 107 №-li əmrində deyilir: “Bakı şəhərində musiqi məktəbləri şəbəkəsinin inkişaf etdirilməsi və Azərbaycan SSR Mədəniyyət Nazirinin 25 sentyabr 1976-cı il tarixli 311 №-li əmrinə əsasən Bakı şəhərinin N. Nərimanov  rayonu ərazisində Ə. Bədəlbəyli adına 23 №-li uşaq musiqi məktəbi 01 oktyabr 1976-cı il tarixdən açılsın”.

 

Məktəbinin direktoru: Afət  Məhərrəm qızı Qəmbərova 

24.09.1959-cu ildə Bakı şəhərində  anadan olub. 1978-ci ildə A.Zeynallı adına Orta İxtisas Musiqi  Məktəbini nəzəriyyə, 1983-cü ildə Üzeyir  Hacıbəyov  adına  Azərbaycan  Dövlət Konservatoriyasını  musiqi  tarixi və nəzəriyyəsi  fakultəsini  bitirmişdir. A.Qəmbərova  1983-1997-ci illər ərzində Soltan Hacıbəyov  adına Sumqayıt şəhər Orta İxtisas Musiqi Məktəbində nəzəriyyə fənləri üzrə  müəllim, 1997-1999-cu illərdə Ə.Bədəlbəyli adına 23 nömrəli Onbirillik Musiqi Məktəbində  nəzəriyyə fənləri üzrə müəllimi və şöbə müdiri, işləmişdir. 05.10.2011-ci ildən həmin məktəbin direktoru vəzifəsində çalışır.

Ailəlidir, 1 övladı  var.

 

Tədris işləri  üzrə  direktor  müavini: Ağaverdi  Atamoğlan  oğlu Dadaşov 

Fortepiano  şöbəsinin müdiri: Firəngiz  İsfəndiyar  qızı Babayeva 

Xalq çalğı alətləri şöbəsinin müdiri: Şükürova  Aliyə  Firuz qızı

Orkestr  alətləri şöbəsinin müdiri: Mehdiyeva  Nailə  Mirzəağa qızı

Nəzəriyyə şöbəsinin müdiri: Naina  Rafiq  qızı Hacıyeva


Bakı şəhəri
Ünvan:
AZ 1007, Nərimanov rayonu, Azadlıq prospekti 127/131
Telefon:

(+994 12) 440-36-18

(+994 12) 440-45-28

E-mail:

23.umm@mail.ru

 

22.4 KB

 

12.9 KB

 

11.9 KB