Azərbaycan Respublikası Mədəniyyət Nazirliyi

UŞAQ MUSİQİ VƏ İNCƏSƏNƏT MƏKTƏBLƏRİNİN TƏDRİS PORTALI

Məktəblər
Məktəblər
|

Bakı şəhəri 4 nömrəli Uşaq İncəsənət Məktəbi

1966-cı ilin dekabr ayından Bakı şəhəri Buzovna qəsəbəsində 19 №-li uşaq musiqi məktəbi kimi (Azərbaycan SSR Mədəniyyət Nazirliyinin 25 noyabr 1966-cı il tarixli 255 №li, Bakı şəhər Zəhmətkeş deputatları Sovetinin İcraiyyə Komitəsinin  2 dekabr 1966-cı il tarixli 05/738 №-li əmrləri) fəaliyyətə başlamış, 1995-ci ilin sentyabr ayında isə (Azərbaycan Respublikası Mədəniyyət Nazirliyinin 28 sentyabr 1995-ci il tarixli  250 №-li, Bakı şəhər Mədəniyyət İdarəsinin 3 oktyabr 1995-ci il tarixli 106 №-lı əmrləri) incəsənət məktəbinə  çevrilmişdir. Məktəb büdcə təşkilatıdır, 1966-cı ildən əvvəlki H.Z. Tağıyev adına Neftqazçıxarma İdarəsinin, indiki ARDNŞ Sosial inkişaf İdarəsinin Mənzil Kommunal  Xidmətlər İdarəsinin balansında olmuş, 2009-cu ilin aprel ayından Azərbaycan Respublikası Mədəniyyət və Turizm Nazirliyinin balansına verilmişdir. Hal-hazırda bina məktəbin öz balansındadır.

Məktəbin yaranmasının təşəbbüskarı və ilk direktoru Tələt Şahverdiyev olmuşdur. 1966-cı ildə yaranan məktəbdə ılk illər yalnız fortepiano, tar, kamança, qarmon, nağara, klarnet, akkordeon ixtisasları tədris edilirdi. Sonralar skripka, truba sinifləri yarandı. 1972-ci ildən sonra məktəbə rəhbərlik tanınmış musiqiçilər Rəfael Məmmədəliyev, Əhəd İsrafilzadə, Arif Hacıyevə tapşırıldı. 1994-cü ildən 2009-cu  ilin yanvarınadək məktəbə gözəl insan və istedadlı kamança ustası Yusif Quliyev rəhbərlik etmişdir. Məhz bu illərdə məktəbdə balaban, kanon, saz, xanəndə ixtisasları tədris edilməyə başladı və nəhayət, 1995-ci ildən rəsm və rəqs siniflərinin açılması ilə məktəb incəsənət məktəbinə çevrildi.

2009-cu ilin fevral ayından məktəbə rəhbərlik Səadət Eminovaya tapşırılmışdır.

2008-2009-cuillərdə məktəb binası Azərbaycan Respublikası Mədəniyyət və Turizm Nazirliyi xətti ilə əsaslı təmir edilmiş, bina yenidən qurularaq müasir standartlara cavab verən gözəl bir binaya çevrilmişdir. «2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlər Proqramı»na əsasən məktəb üçün 2013-cü ildə yeni akt zalı inşa edilmişdir.     

 

Məktəbinin direktoru: Cahangir Akif oğlu Süleymanov

5 dekabr 1986-cı Bakı şəhərində anadan olub. 2004-cü ildə Bülbül adına Orta İxtisas Məktəbini klarnet ixtisası üzrə, 2008-ci ildə Bakı Musiqi Akademiyasını saksafon ixtisası üzrə bitirib. 2007-2013 illərdə Azərbaycan Dövlət Televizyasında simfonik orkestr dirijoru, 2013-2019-cu illərdə Q.Qarayev adına Mərkəzi İncəsənət Məktəbində müəllim vəzifəsində işləmişdir. 15 oktyabr 2019-cu ildən 4 nömrəli Uşaq İncəsənət Məktəbinin direktoru vəzifəsində çalışır.  

Ailəlidir, 1 övladı var.    

                                   

Tədris işləri üzrə direktor müavini: Gültəkin Yusif qızı Atakişiyeva

Fortepiano şöbəsinin müdiri: Günel Etibar qızı Məmmədova

Ümumi fortepiano şöbəsinin müdiri: Əkbərova Dinarə Şükür qızı

Xalq çalğı alətləri şöbəsinin müdiri: Ehtibar Adil oğlu  Dadaşov

Orkestr alətləri şöbəsinin müdiri: Əfqan Elman oğlu Paşayev

Nəzəriyyə şöbəsinin müdiri: Sevinc Seyfulla qızı Eminova

Xoreoqrafiya və rəssamlıq şöbəsinin müdiri: Xanım Ağacəfər qızı Əliyeva

 


Bakı şəhəri
Ünvan:
AZ 1090, Xəzər rayonu, Buzovna qəsəbəsi, M.Sübhi küçəsi 5
Telefon:

(+994 12) 453-20-42

Fax:
(+994 12) 453-58-68
E-mail:

4artschooolbuzovba@mail.ru

 

394.5 KB

 

455.1 KB

 

478.9 KB